Tuesday, November 3, 2009

गुरुपरीक्षा...

माझा ’तुकडा’ टाचा उंचावत एक दिवस म्हटला मला,
"बाबा, तुझ्याएवढा झालो बरं का!"
मग त्याला पायांवर नीट उभं करता झालो
आणि थोडा खाली झुकून म्हणालो,
"आता बिनत्रासाचा माझ्याएवढा झालास..."
"तुझ्याएवढं व्हायला खुप दिवस लागणार..."
एवढं बोलुन एक सॆल्युट फेकुन गेला
खूप मोठ्ठं झाल्यासारखं वाटलं मला....

अन्यथा...

ती म्हणाली " कवी असतो हळवा
आणि कवी असतो बाळवा"
.
"बावळा म्हणायचय का?"
.
"आम्ही करतो, तुमची उलटपुलट वाक्यं सरळ?"
.
"पण बाळवा म्हणजे???"
.
"तू कवी ना?"

फ़ार दिवस झाले खरं या गोष्टीला...
ती निरागस बाळ शोधत असणार माझ्यामधे...
आणि मी तिच्यात?
जाऊ दे...
नाहीतर स्वत:ला कवी नसतं का म्हणवून घेतलं.....